Inon izatekotan

Inon izatekotan hemen gara
hemen non oheak zabalegiak diren
non izarak
non bakarrik
non hotz 
non lehioak murruetara zabaltzen diren
non ateek ixten jarraitzen duten
non telefonoak betiko mutu diren
non etxeorratzak zerua urratzen
non atzerria etxe atariraino etortzen den

Hemen

Inon izatekotan han gara
non bideek inora ez daramaten
non biderik ez dagoen 
non zaratek
non hitzak lapurtzen dizkiguten
non ixilik egon ezin den
non ixilik gaudenon ixiltasuna astunagoa egiten den
non bete ezin ditugun desirez asetzen garen
non bizitzea zain egotea den
inon izatekotan, inon ezin gara izan, ez bada han 

Non zu ez zauden han;
Non zu ez zauden hemen